Txoj kev hlub muab zais cia rau hauv nruab siab
Mam rov los sib nrhiav hlub dua fab lawm tiam
Vim tiam no hmoov tsis txog wb thiaj tsis tau nyob ua ke
Wb txoj kev hlub tiam neej no ua siab tseg.
Ua ib siab mus ua koj lub neej kom zoo
Tsis txob nroo txog kuv lawm mog me leej nus
Muaj ib hnub ntiaj teb tig wb rov tau los sis ntsib dua
Wb mam sib zeem hlub tshua li nkauj muam nraug nus.
Vim tiam no luag tsis pom zoo wb los sib sau
Wb thaj tsis tau sib qaws los nyob koom ib lub neej
Mam mus koj mog leej nus, thov kom koj mus ntsib tus hlub
Cia rau lwm tiam wb mam rov qab los sib nrhiav dua.
Ntawm lub ncauj lam hias tias ua siab nciam mus
Hauv nruab ntsws mob khis rhe tsis xav hais lus
Xyov thaum twg thiaj li cheem tau lub siab kom txhob nco koj
Mam qhau nruab ntsws tshem koj tawm ntawm kuv lub neej.
Txawm nco koj npaum twg los yuav cia kav liam
Muab khaws cia ua dab neeg pub rau nruab siab
Txawm tiam no nco npaum twg los yuav tau ua twj ywm
Tu lub siab ntshaw xab tias yog wb ntawv tsis txog.
ĐK:
Yog lwm tiam tseem muaj wb mam los sis hlub dua
kev npau suav tiam no ntshe tsis muaj nws yuav yog tiag
Kev cia siab yav tas los cas hnub no yog kev tu siab
Rov tag kis mus wb kev hlub ces yog luag tus.